FRÉTTIR
| 1. apríl 2013 kl. 11:35 16. janúar 2013 Veiðivötn - 2013 Stangveiði í Veiðivötnum sumarið 2013 hefst þriðjudaginn 18. júní kl. 15 og lýkur fimmtudaginn 22. ágúst kl. 15. Sala á veiðileyfum á almennum markaði hófst mánudaginn 1. apríl kl. 9 og allt seldist upp á tveimur og hálfri klst. Sími í Veiðivötnum er: 864-9205 Gjaldskrá á veiðileyfum og gistingu (hús, svefnpokapláss í skála, tjaldstæði og húsbílar/tjaldvagnar) í Veiðivötnum fyrir sumarið 2013.
12. okt. 2012 Veiðisumarið 2012 - lokatölur Sumarið og haustið 2012 veiddust 25009 fiskar í Veiðivötnum. Þetta er nokkru minni veiði en undanfarin ár, en mjög gott miðað við síðustu áratugi. (sjá samanburð á heildarveiði). Stangveiði í Veiðivötnum lauk 22. ágúst. Á stangveiðitímanum veiddust 19647 fiskar sem er nokkru minni veiði en sumarið 2011, en þá fengust 21240 fiskar. (sjá samanburð). Meðalþyngdin var aftur á móti betri en þá eða 1,96 pd. Þetta er mesta meðalþyngd sem mælst hefur í Veiðivötnum frá árinu 2002 (sjá samanburð). Mest var meðalþyngdin í Grænavatni 4.54 pd. Þar veiddist einnig stærsti fiskur sumarsins 16.4 pd. Á netaveiðitímanum veiddust 4715 fiskar í net og 647 fiskar á stöng, hvorttveggja heldur minni afli en á síðasta ári. Lang mest veiddist í Litlasjó á veiðitímabilinu. Alls komu 7795 fiskar þar á land og þar af fengust 6298 fiskar á stöng. Í heildina var sumarið 2012 mjög gott veiðisumar í Veiðivötnum, stórir fiskar og veðurblíðan einstök.
9. júlí 2012 Aflatölur úr vötnum sunnan Tungnaár. |
