Veiðileyfi og gistiaðstaða

13. jan. 2011
Vötn sunnan Tungnaár
Opnað verður fyrir veiði í vötn sunnan Tungnaár föstudaginn 17. júní. Veiðileyfi eru seld í Skarði í Landsveit (Dóra), Landmannahelli og Landmannalaugum. Ekki er þörf á að panta veiðileyfi fyrirfram. Veiði er leyfð til 20. september. Hægt er að panta gistingu við Landmannahelli í síma 893 8407 og info@landmannahellir.is. Nánari upplýsingar um staðinn er á: www.landmannahellir.is

3. jan. 2012
Pantanir fyrir sumarið 2012
Stangveiði í Veiðivötnum sumarið 2012 hefst mánudaginn 18. júní kl. 15 og lýkur miðvikudaginn 22. ágúst kl. 15.
Þeir sem hafa nú þegar valið að halda sínum veiðidögum í Veiðivötnum á næsta sumri munu á næstunni fá tölvupóst frá Bryndísi og þurfa að greiða fyrir leyfi og gistingu fyrir 1. mars næstkomandi.
Veiðileyfi og gistipláss sem verður óráðstafað eftir 1. mars mun fara í almenna sölu sem hefst sunnudaginn 1. apríl 2011 kl. 9. Lausir dagar og fyrirkomulag símasölu verður nánar kynntir hér á vefnum í mars.

Gjaldskrá á veiðileyfum og gistingu (hús, svefnpokapláss í skála, tjaldstæði og húsbílar/tjaldvagnar) í Veiðivötnum fyrir sumarið 2012.

Í Veiðivötnum er hægt að kaupa gistingu í 6-12 manna skálum og í 40 manna sæluhúsi. Vatnssalerni er í öllum húsum nema Dvergasteini. Lyklar að húsum eru afhentir hjá veiðivörðum í Varðbergi við komu í Veiðivötn.
6-8 manna skálar Foss, Holt, Hraunkot, Land, Lindarhvammur, Vindheimar	8-12 manna skálar Ampi, Nýberg, Bjalli, Setur, Arnarsetur, Hvammur og Dvergasteinn	40 manna sæluhús Salur (18), L-herbergi (6) og svefnloft	Varðberg aðstaða veiðivarða
Yfirlitskort yfir staðsetningu húsa